Ushtarët britanikë në vitin 1999 kishin zbuluar në një stacion të policisë serbë një dhomë ku shqiptarët torturoheshin fizikisht. Në një video të realizuar nga mediat e huaja shfaqen mjetet që janë përdorur kundër shqiptarve për ti torturuar dhe vrarë, mjet këto të përdorura nga forcat serbe gjatë luftës në Kosovë.
Ushtarët britanikë gjejnë aty një numër të madh mjetesh të cilat shërbenin për këto tortura, shkruan “Bota sot”. Pa dyshim se lufta la pas vetes një numër të madh krimesh duke filluar nga vrasjet, masakrat e deri te përdhunimet e femrave shqiptare, shumica prej të cilave nuk u zbardhën asnjëherë.
Ndër të tjera aty gjenden edhe rroba të brendshme të femrave që lë të nënkuptohet se aty janë torturuar dhe përdhunuar. Aty janë gjetur edhe rroba të fëmijëve.
