Një aksident i rëndë ka ndodhur në Itali në orët e vona të mbrëmjes në Rezzato, qytet në provincën e Brescias duke u marrë jetën 5 të rinjve.
Një makinë dhe një autobus janë përplasur, dhe për pasojë pesë të rinj kanë humbur jetën menjëherë në vendin e ngjarjes nga përplasja tragjike.
Makina ku udhëtonin të rinjtë ka qenë në korsinë e gabuar dhe i ka dalë para autobusit, i cili po vinte në drejtim të kundërt.
I plagosur lehtë shoferi i autobusit, tha se u gjend përpara makinës dhe nuk mundi të shmangte përplasjen.
Viktimat ishin nga mosha 17-22 vjeç. Dennis Guerra , 20 vjeç nga Sabbio Chiese, El Harram Imad , gjithashtu 20 vjeç, nga Preseglie ; Natiq Imad , 20 vjeç, nga Pertica Bassa; Natiq Salà , 22 vjeç, nga Vestone dhe Irene Sala , 17 vjeç.
Zjarrfikësit punuan gjatë për të nxjerrë trupat e të pestëve nga makina plotësisht e shkatërruar.
