Tërmeti i 26 nëntorit shënoi tragjedinë më të madhe të dekadave të fundit, ku 51 persona humbën jetën dhe qindra të tjerë u plagosën.
Ndërkohë, janë mijëra ata që humbën banesat e tyre pasi u shembën, ose goditjet e forta i kthyen në të pabanueshme.
Një pjesë e të dëmtuarve janë akorduar në çadra dhe hotele, ndërsa për shumë të tjerë ende nuk ka një zgjidhje.
I tillë është edhe rasti i një familjeje në Kullë të Durrësit.
Gazetari Maksi Rama bën me dije për AbcNews se pallati në të cilin jetonte familja me 7 anëtarë është dëmtuar.
Për pasojë ata e kalojnë natën duke fjetur në një rimorkio.
