Lebit Murtishi
Tërhiqu sa s’është bërë vonë z. Blerim Reka! Kësaj here, sigurisht me vetëdije të plotë ke marr mbi vete ,,shpëtimin” e atyre shqipfolësve të mjerë që janë të detyruar, për arsye që ata e dinë vetë, të dalin të votojnë për turpin e vet dhe për shpërnguljen e fëmijëve të tyre nga vatrat shekullore… Secili kandidat shqiptar do jetë një ,,hajmali” shpëtimtare, si për ato parti e ,,liderë” që po i shtyjnë shqiptarët drejtë greminës, ashtu dhe për ,,havarijunët” e tyre të bindur.
Ti nuk je i pavetëdishëm sa të mos kuptosh se shumica e votuesve të shitur ,,shqiptarë”, do votojnë për njërin nga ,,vojvodët sllavë”, ndërsa do çirren e do betohen se kanë votuar për ty…Atyre në këto çaste të fundit, kur asnjë dreq më s’mund t’i shpëtojë nga demaskimi publik (në të gjitha anët e Atdheut), u duhet një ,,trampolinë” e kalbët, sidoqoftë… Pra, veri gishtin kokës dhe tërhiqu se tallja me fatin e popullit ka koston e lartë z. Blerim Reka…
