Shqiptarët jo si përqindje, por si popull shqiptar i barabartë në Maqedoni. Kjo duhet të garantohet edhe në Kushtetutë, ka theksuar ish-kongresmeni dhe kryetari i Ligës Qytetare Shqiptaro – Amerikane, Joe DioGuardi pas takimit në Nju Jork me kryetarin e Aleancës për Shqiptarët, Ziadin Sela.
Në këtë takim janë dëgjuar qëndrimet dhe kërkesat e ASH-së që duhet të përfshihen edhe në Kushtetutën e Maqedonisë, në këtë moment kyç kur po bëhet hapja e saj. Kryetari i Aleancës për Shqiptarët Ziadin Sela ka falenderuar DioGuardin për përkahjen e vazhdueshme që ju jep shqiptarëve per proceset politike ne përgjithësi dhe në veçanti në Maqedoni.
Ziadin Sela i ka kërkuar ish-kongresmenit DioGuardit, përkrahje të drejpërdrejt për ndryshimet kushtetuese që pritet te ndodhin ditëve në vazhdim, duke i inkorporuar kërkesat politike shqiptare në Kushtetutë.Në vazhdën e kësaj DioGuardi ka theksuar se është në komunikim me përfaqësues të lartë të administratës amerikane dhe sidomos Kongresit amerikan, ku është shprehur shqetësimi për zhvillimet aktuale në rajon, me theks të veçantë edhe situatën në Maqedoni.
