Pas natës me shi, kushtet atmosferike në rajonin e Ohrit janë stabilizuar, ndërsa reshjet e shiut kanë ndalur.
Sipas të dhënave të sotme nga AD “ELEM” që menaxhon ujërat e liqenit, niveli i liqenit është në 693,85 metra lartësi mbi nivelin e detit apo 10 centimetra të maksimumit të standardizuar.
Gjatë fundjavës rajonin e Ohrit e përfshiu erë e fuqishme jugore e cila në momente arrinte shpejtësi dhe deri në 100 kilometër në orë, duke shkaktuar valë të larta të cilat kanë shkaktuar dëme në objektet në bregun e liqenit nga Kaneo deri tek sheshi i qytetit. Gjithashtu liqeni ka hedhur sasi të mëdha kallamishte, bimë, por edhe mbeturinat e ngurta dhe plastike të cilat në mënyrë të pa ndërgjegje janë hedhur në liqen./Gazeta Express/
