Edhe pse ishte paralajmëruar se “bomba” që do të publikohet sot nga lideri i LSDM-së Zoran Zaev do t’i kushtohet rastit të mbylljes së televizionit A1, “Lajm” nga burime të sigurta merr vesh se ato megjithatë do t’i kushtohen funksionarëve të BDI-së dhe PDSH-së.
Burimet tona thonë se sot do të publikohen biseda të funksionarëve të lartë të këtyre dy partive, por nuk bëhet e ditur se për cilët funksionarë bëhet fjalë. Bomba e sotme pritet të publikohet pak pas orës 14, kurse ajo do të transmetohet drejtpërdrejte.
