Nën ndikim të një mase të ftohtë dhe jo aq të lagësht, sot dhe nesër moti do të jetë me vranësira dhe reshje lokale, kryesisht me intensitet të dobët. Sot do të ketë reshje të borës në male dhe vende të larta, ndërsa në vendet më të ulta reshje të shiut, ndërsa deri në fund të ditës do të kalojnë në reshje të borës në të gjitha lartësitë mbidetare, veçanërisht në pjesët veriore të vendit.
Nesër do të ketë kryesisht reshje të borës, përveç në rajonet më të ulta në jug të vendit. Deri nesër në mbrëmje më shumë reshje do të ketë në pjesët malore në veri-perëndim dhe lindje, ku pritet formimi i një shtrese më të madhe të borës.
