Nëse zgjedhjet do të ishin sot atëherë fituese do të shpallej Aleanca për Shqiptarët, e pasuar nga Lëvizja Besa e cila drejtohet nga Kasami. Kjo bëhet e ditur në anketën e realizuar nga gazeta Koha.
Këto janë rezultatet e javës së parë, për faktin se anketa mbetet akoma e hapur. Në pyetjen “Për cilën parti do të votoni në zgjedhjet e ardhsme” deri më tani votuar rreth 4000 lexues, prej tyre 1810 për Aleancën për Shqiptarë, rreth 1568 për Lëvizjen BESA, 467 për BDI, rreth 6 për PDSH dhe 1 për BESA, e cila drejtohet nga Afrim Gashi. Në këtë sondazh në të cilin kryesisht kanë votuar lexues shqiptarë, vërehet se LSDM dhe VMRO nuk kanë mbështetje nga elektorati shqiptarë.
Të dy partitë kanë marrë vetëm nga një votë, transmeton agjencia e lajmeve INA.
Kujdes, tërheq vërejtjen INA, ky “sondazh” nuk ka një bazë shkencore pasi nuk kryhet mbi një kampion të seleksionuar votuesish, për këtë arsye duhet të vlejë vetëm si një tregues i përgjithshëm.(INA)
