Ministria e shëndetësisë informon se rezultatet e pacientes së parë e diagnostifikuar me koronavirus janë negative, raporton SHENJA.
Ajo u testua për herë të dytë pas diagnostifikimi me virusin sipas rekomandimeve të OBSH-së. Negative në koronavirus është edhe 16 vjeçarja e cila kishte simptome të virusit. Në ndërkohë janë testuar edhe dy pacientë të tjerë, ndërsa edhe këto rezultate janë negative.
Gjendja shëndetësore e gjashtë pacientëve që po mjekohen në Klinikën infektive janë në gjendje stabile, ndërsa pacientja e shtatë është tërësisht e stabilizuar dhe nuk është më e infektuar, por mjekimi i saj nuk ka përfunduar. Ajo do të hospitalizohet në Klinikën. Në seancën e sotme të qeverisë, janë ndërmarr masa shtesë për parandalim të përhapjes së koronavirusit. Ministria e Shëndetësisë apelon deri tek të gjithë qytetarët që të respektojnë dhe të ndjekin rekomandimet e Ministrisë së Shëndetësisë.
