Kupa
Loris
Dhoma-Energy Reklamo ketu!
Rroga mesatare në Maqedoni është 28 642 denarë, Qeveria premton rritje deri 30 përqind
Maqedoni, Slider

Rroga mesatare në Maqedoni është 28 642 denarë, Qeveria premton rritje deri 30 përqind

Në Maqedoninë e Veriut rroga mesatare neto është 28 642 denarë, derisa ajo bruto është 42 776 denarë, duke shëruar rritje në krahasim me vitin e kaluar.

“Indeksi i pagës mesatare mujore bruto për të punësuarit, gjatë muajit gusht 2021 krahasuar me muajin e njëjtë të vitit 2020, është 104.2, ndërsa indeksi i pagës mesatare mujore është 104.0”, raportojnë nga Enti Shtetëror i Statistikave.

Raportohet që rritje ka pasur në sektorët për Veprimtaritë profesionale, shkencore dhe teknike (14.1%), Akomodimi dhe shërbimi ushqimor (13.7%) dhe Veprimtaritë të tjera shërbimi (12.9%).

“Jemi të përkushtuar për realizimin e rritjes së rrogës për 20 % deri 30 % me qëllim përmirësimin e standardit të qytetarëve dhe ekonomisë në vend”, përkujtojnë nga Qeveria.

Gjithashtu, në muajin janar Qeveria e Maqedonisë së Veriut kishte premtuar rritje për 20% deri në 30% ose deri në 34 mijë denarë në katër vitet e ardhshme. Ndryshe, kryeministri i Maqedonisë së Veriut, Zoran Zaev, në fushatën parazgjedhore parlamentare për zgjedhjet e 15 korrikut premtoi se paga mesatare do të jetë 34 mijë denarë.

October 22, 2021

Struga Ekspres