Kryeministri i Shqipërisë, Edi Rama në mbledhjet e përbashkët të dy vendeve tha se njohja përfundimtare e Kosovës do të vijë.
Në fjalën e tij para deputetëve të Kosovës dhe Shqipërisë në Tiranë, kryeministri shqiptar tha se Kosova nuk do të presë gjatë.
“Unë besoj se edhe njohja e saj përfundimtare do të vijë më herët sesa vonë dhe se Kosova nuk do të presë kaq sa ka pritur qysh se ka shpallur pavarësinë për t’u njohur përfundimisht, ndërkombëtarisht dhe për të qenë e pranishme në çdo instancë të gjithë organizimit të përgjithshëm të botës ku ne jetojmë”, tha Rama.
Ndërsa deputetët e PD-së, mbështetës të Berishës kanë braktisur sallën e parlamentit ku po mbahej mbledhja e përbashkët e dy Kuvendeve, pikërisht në momentin kur kur kryeministri Rama mori fjalën.
