Pavarësisht premtimit se do t’u paguhet paga e muajit janar, megjithatë punëtorët shëndetësorë nga Qendra Klinike “Nënë Tereza” kanë bërë të ditur sot se të mërkurën e javës tjetër do të dalin në protestë.
Kemi marrë premtim nga drejtori i Fondit se të hënën deri në fund të orarit të punës do të realizohen planet për Qendrën Klinike. Ne e respektojmë atë.
Por nëse nuk paguhen pagat, ne do të mbledhim të martën një bord ekzekutiv, do të mbledhim një këshill dhe do të marrim vendime për hapat e mëtejshëm.
Pavarësisht, edhe nëse pagat bëhen të martën, protesta do të mbahet të mërkurën”, thotë Goran Begoviq, kryetar i Sindikatës së Qendrës Klinike “Nënë Tereza”.
