Pjesëtarët e Lëvizjes qytetare kundër ndryshimeve kushtetuese “Maqedonia bllokon” sonte para shtëpisë së deputetit Krsto Mukoski në Vevçan kanë filluar protestat e tyre të paralajmëruara para shtëpive të deputetëve të opozitës që kanë votuar për nevojën e ndryshimeve kushtetuese.
Kur arritën protestuesit, Mukoski i ka pritur dhe një pjesë e tyre u futën në shtëpinë e tij, ndërsa të tjerët kanë luajtur valle para shtëpisë me qirinj në duar.
Protesta është pjesë e fushatës “Maqedonia bllokon”. Demonstruesit para shtëpisë së Mukoskit kanë kënduar këngën “Edno ime imame (Një emër kemi)” dhe kanë porositur atë që të mos ndryshojë emrin e shtetit.
