Policia ushtarake pranë Ministrisë së mbrojtjes, ka njoftuar stacionin policor në Negotinë se dje rreth orës 12 të mesditës është lënduar rëndë një ushtar nga Shkupi.
Lëndimi i tij ka ndodhur gjatë realizimit të stërvitjes ushtarake të gjuajtjes me raketahedhës dore. Bëhet fjalë për ushtar profesionist të moshës 35 vjeçare, shkruan Gazeta Lajm.
Ai është transferuar me veturën e Ndihmës së shpejtë në kompleksin e klinikave “Nënë Tereza” në Shkup. Lidhur me rastin është informuar edhe prokurori publik, kurse hetime në vendin e ngjarjes ka kryer ekip hetues policor, si dhe pjesëtarë të Policisë ushtarake pranë Ministrisë së mbrojtjes.
