Plaçkitet taksisti nën kërcënimin e thikës

Një taksist është plaçkitur rreth orës 04:05 të mëngjesit nga ana e dy personave të panjohur.
R.R (30) përderisa ka qenë duke pritur me makinën e tij në stacion të taksive,është ballafaquar me dy persona të cilët nga ai kanë kërkuar shërbim, që të njëjtit t’i dërgon në rrugën Dizhonska.
Gjatë rrugës njëri nga keqbërësit ka nxjerr thikën dhe ka kërcënuar shoferin duke i kërkuar para. Pas kësaj R.R u ka dhënë atyre 3.200 denarë.
Në momentin kur janë ndaluar në rrugën Dizhonska ata kanë grushtuar shoferin dhe janë larguar nga vendi i ngjarjes.
Po ndërmerren masa për zbardhjen e rastit.