Një aksident i rêndë trafiku ndodhi në rrugën pranë qytetit grek të Kukushit, në të cilin janë përfshirë tre automjete, njëra prej të cilave ishte një automjet policie,e cila u pêrplas me njê tuf derrash të egër, më pas me derrat u pêrplas një makinë nga Maqedonia, kurse një makinë nga Greqia ka përplasur makinën e policëve ku kanë humbur jetën dy qytetar grek dhe katër persona janë lënduar, mes tyre edhe një shtetase e Maqedonisë, njoftoi korrespondenti i MIA-së nga Athina, informon Struga Ekspres.
Sipas agjencisë greke të lajmeve ANA-MPA, një automjet policie me tre oficerë ka goditur një tufë derrash të egër dhe ka dalë nga rruga, e ndjekur nga një makinë me targa maqedonase me dy pasagjerë, e cila gjithashtu ka goditur tufën dhe është përmbysur dhe në fund, një tjetër mjet grek, goditi makinën e patrullës së policisë.
Nga aksidenti ka mbetur e lënduar pasagjerja në automjetin maqedonas, si dhe tre policët, ndërsa dy personat nga automjeti grek kanë humbur jetën.
Jozyrtarisht, siç mëson MPB, maqedonasja e lënduar është dërguar në spitalin e Kukushit.
(Struga Ekspres)
