Sela: Të shtunën mbahet Kuvendi Qendror, kërkohet përgjegjësi dhe llogari nga Taravari!
Kryetari i Kuvendit të ASH-së, Ziadin Sela ka mbajtur konferencë për media.
Nga selia në Tetovë, ku Sela shoqërohej nga kryesia e ngushtë, sekretari dhe Ministri, Krenar Lloga dhe deputetët e ASH-së, ka thënë se të shtunën do të mbahet Kuvendi qëndrorë i ASH-së.
Ai ka thënë se ASH-ja është e bashkuar dhe se të ndarë e duan të tjerët. Sipas Selës, ASH din se si të vendosë për fatin e sajë, raporton indeks.mk
Sela tha se, Taravari nuk ka komunikuar dhe kontaktuar me muaj të tërë kryesinë e ngushtë të partisë dhe atë qëndrore.
“Në cilësinë e kryetarit të Kuvendit i jap fund të gjitha shpifjeve që unë nuk e thirkam kuvendin. Jam transparent sic isha, unë dua të thëras kuvendin qëndror se po afrohen zgjedhjet por nga ana tjetër ne po mbahemi në terr, po bëhet lojë shumë e keqe nga ana e kryetarit në kurriz të aktivistëve të ASH-së, po shkaktojnë debate, jeni për kto apo ato, me BDI-në apo opozitën. Qëllimi është që të krijojë përcarje, aktivistët janë me ASH-në me askënd tjetër. Kjo është ASH-ja. ASH-ja, janë aktivistët e sajë, janë kryesia e ngushtë të cilën e kemi këtu, janë deputetët, të cilët asnjëherë nuk u dorëzuan para cdo shantazhi. Kto lloj tendecash për ti ndarë anëtarët e ASH-së ne nuk i duam. Ditën e shtunë mbahet Kuvendi Qendrorë i ASH-së në të cilën do të vendoset para përgjegjësisë Kryetari i partisë, që nuk ka thirur kryesinë e ngushtë tash e dy muaj”, tha mes tjerash Sela. /indeks.mk/
