Ish komandanti i luftës së UCK-së, Xhezair Shaqiri ka reaguar ashpër ndaj liderit të PDSH-së, Menduh Thaçi i cili sipas tij shitet para shqiptarëve si patriot i vërtet.
Shaqiri kërkon nga Thaçi që të deklarohet rreth intervistës së Pavle Trajanov kur ky i fundi thotë se Thaçi dhe PDSH-ja është formuar nga shërbimet sekrete të Maqedonisë. “Unë nuk dij se si kjo nuk është dëshmi e fort për disa që ende besojnë në patriotizmin e Menduh THaçit që asnjëher nuk ka dal me thanë se nuk ësht e vërtet kjo thënie e Pavle Trajanovit që ish partner i koalicionit me PDSH-në në periudhën 2006-2008”, ka thënë në profilin e tij në FB, Xhezair Shaqiri. Formimi i PDSH-se si subjekt politik gjithmonë ka qenë i dyshimtë në mes të analistëve, politikanëve dhe gjithë shqiptarëve. Që nga themelimi i saj kishte zëra se këtë e formoj Bogoevski, një agjent i shërbimeve sekrete maqedonase me urdhër të ish ministrit të brendshëm, Lubomir Ferckovski.
Hoxha mendon se deklarata e ish ministrit të policisë, Pavle Trajanov është dëshmi se PDSH-në e formuan Menduh Thaçi pas takimeve dhe inkurajimit të shërbimeve sekrete të Maqedonisë për të eliminuar përforcimin e shqiptarëve dhe për t’i dobësuar ata.
