Pas përfundimit të modulit të parë të suksesshëm të organizuar nga Lëvizja Besa që u mbajt në Stamboll, të Turqisë, me datë prej 16.06.2018 deri më 18.06.2018, nga nesër modulin e dytë Besa do ta vazhdoj në Durrës, me Kuvendin Qendror, Forumin Rinor dhe Forumin e Gruasë, njofton TopAl News.
Në Durrës moduli i radhës do të zgjasë nga data 07.07.2018 deri më 09.07.2018. Temë kryesore e këtyre moduleve është “përfitimi i njohurive të reja” dhe përvoja nga më të ndryshmet, ku në këto module ligjerojnë profesor të ndryshëm të shkencave politike, politikolog dhe ligjërues nga udhëheqësia më e lartë partiake. Siç shprehën nga Lëvizja Besa, këto aktivitete janë vetëm fillimi, sepse do të organizohen edhe module e aktivitete të tjera në vendet të ndryshme për të përfituar njohuri të ndryshme dhe përvojë për organizimin politik dhe shtrirjen e ideologjisë politike të Lëvizjes Besa.
Gjithashtu, në këtë organizim si ligjerues do ketë edhe figura të ndryshme nga politika shqiptare, deputet dhe kryetarë komunash. Qëllimi i gjithë këtyre aktiviteteve dhe organizimeve është qartë, trajnim i të gjithë lidershipit të Besës, ngritja e vetëdijes politike dhe bërja politikë të suksesshme me një skuadër të suksesshme që do të sillte dobi për gjithë shqiptarët.
