Paraqiten raste të reja të të prekurve nga fruthi

Edhe më tej vazhdon paraqitja e rasteve të reja të prekur nga fruthi. Në Klinikën Universitare për sëmundje infektive, janë hospitalizuar edhe tre persona, me pasqyrë të qartë klinike të fruthit. Bëhet fjalë për dy persona të rritur nga vendbanimet e Karposhit dhe Çairit dhe një fëmijë poashtu nga Çairi. Nga Ministria e Shëndetësisë informojnë se dy persona me pasqyrë më të lehtë klinike, vetëm janë kontrolluar dhe janë lëshuar për kurim shtëpiak. Sipas të dhënave të tyre, deri tani janë vaksinuar 2.925 fëmijë, ndërsa vetëm sot 181 persona. Ata kujtojnë se në pikat e vaksinimit gjatë fundjavës do të punohet nga ora 7:30 deri në orën 13:00, kurse të hënën ato do të punojnë në dy ndërrime.