Një 16-vjeçar ka mbetur i plagosur në qytetin e Durrësit pas një shkëmbimi zjarri mes dy grupeve të rinjsh. Ngjarja ka ndodhur mbrëmjen e sotme në një lokal në lagjen nr.2, pranë prokurorisë.
Policia ka mbërritur shpejt në vendngjarje, ku janë shoqëruar disa persona dhe po hetohet për të zbardhur rrethanat e ngjarjes.
Ende nuk dihet identiteti i të plagosurit apo personave të tjetër të përfshirë në konflikt, megjithatë policia bën me dije se adoleshenti është jashtë rrezikut për jetën.
