Një tjetër shtetas është nxjerrë i gjallë nga rrënojat e pallatit të shembur në Thumanë.
Mësohet se është nxjerrë me shenja jete nga rrënojat Albert Cara 57 vjeç, kryefamiljar, ndërsa për 5 pjesëtaret e tjerë të familjes se tij, gruaja dhe 4 fëmijët nuk dihet ende asgjë.
Situata në Thumanë është tejet tragjike pasi raportohet se janë shembur pallate dhe ende nuk dihet sa viktima apo të mbijetuar ka nën rrënoja.
Nga raportimet live në Thumanë janë nxjerrë disa trupa të pajetë dhe disa banorë me shenja jete të cilët janë transportuar drejt spitalit për ndihmë mjekësore.
