Fatkeqësisht tërmeti i fuqishëm që lëkundi Shqipërinë në orën 3.55 të mëngjesit të sotëm ka shënuar viktimën e parë në Thumanë të Fushë-Krujës. Një skenë tragjike, përlotëse dhe rrëqethëse. Një gjsyëh ka humbur jetën e zënë nën rrënoja nga shembja e një pallati, ndërsa në prehërin e saj mbante nipin. I vogli është nxjerrë gjallë nga të afërm dhe forcat zjarrfikëse. Nga raportimet nga terreni, thuhet se mund të bëhet fjalë për rreth 10 persona që mund të jenë nën rrënoja në godinat e shembura në Thumanë. Nuk dihet ende situata.
Kryeministri i Shqipërisë, Edi Rama ka udhëtuar bashkë me kabinetin e tij qeveritar në Durrës. Sipas një gazetari të Top Channel Edi është në vendin e ngjarjes bashkë me disa anëtarë të kabinitetit të tij. Sot Shqipëria brenda pesë orëve është goditur nga më shumë se 13 tërmete, por më i madhi ishte ai I orës 3 55 me epiqendër në Detin Adriatik e që për pasojë e ka pësuar më se shumti qyteti I Durrësit. Tërmetet janë dëgjuar edhe në qytetet tjera, por edhe jashtë Shqipërisë, sidomos në Kosovë dhe në Maqedoninë e Veriut por edhe në Ulqin. Shumë qytetarë janë zgjuar orët e mëngjesit, derisa raportohet për së paku tri viktima deri me tani, një prej të cilave e konfirmuar. Shqipëria është goditur në orët e para të mëngjesit nga një seri tërmetesh të cilat u dëgjuan jo vetëm në Shqipëri por edhe në Kosovë dhe MaqedoniNga regjistrimi i tërmeteve në kohë reale, epiqendra e tërmetit më të madh ka qenë në Detin Adriatik, me 6,4 shkallë të Rihterit.
