Një grua humb jetën, pesë janë lënduar në aksidentin e rëndë rrugës Shkup-Bllacë

Një grua ka humbur jetën, ndërsa pesë persona të tjerë, përfshirë dy të mitur, janë lënduar në një aksident të rëndë trafiku në rrugën magjistrale Shkup- pikë kalimi kufitar Bllacë.
Sipas policisë aksidenti ka ndodhur rreth orës 21:45 ndërsa janë përfshirë dy makina.
“Aksidenti ka ndodhur mes makinës ‘Opel’ me targa të Shkupit e drejtuar nga M.L (40) nga Shkupi dhe makinës ‘Golf’ me targa të Shkupit, e drejtuar nga R.B (52) nga Saraji i Shkupit. Nga plagët e marra në vendngjarje ka humbur jetën M.L ndërsa vdekjen e ka konstatuar mjek i ndihmës së shpejtë”, ka njoftuar policia, raporton SHENJA.