Një 46-vjeçar nga Shkupi ka humbur jetën në një aksident trafiku dje rreth orës 18:00 në rrugën kryesore Kërçovë – Gostivar në afërsi të fshatit Kollare, pasi automjeti me të cilin drejtonte ka dalë nga rruga. Nga aksidenti ka mbetur s plagosur rëndë një pasagjere e mitur në makinë.
Me datë 01.03.2024 në ora 18:20 në stacionin policor Kërçovë është raportuar se në rrugën kryesore Kërçovë – Gostivar, afër fshatit Kollare, automjeti i udhëtarëve “Ford” me targa të Shkupit i drejtuar nga V.N. 46) nga Shkupi, ka dalë nga rruga.
Nga plagët e marra ka ndërruar jetë në vendngjarje, ndërsa vdekjen e ka konstatuar mjeku i Emergjencës Mjekësore. Një pasagjere e mitur femër ka pësuar lëndime të rënda, konfirmojnë në spitalin e Kërçovës, njofton SPB- Ohër.
Vendin e ka kontrolluar ekipi inspektues nga Sektori i Punëve të Brendshme të Kërçovës.
(Struga Ekspres)
