MILIONERËT E POLITIKËS.
Milionerët e politikës, këndej lavdërojnë sistemin shëndetësor, por kur sëmuren vet shkojnë në spitale jashtë vendit;
Milionerët e politikës lavdërojnë sistemin arsimor, kurse fëmijët e vet i shkollojnë në shkolla private ose jashtë shtetit;
Milionerët e politikës, lavdërojnë administratën, por kur kanë punë vet thërrasin në telefon sepse nuk mund të presin rradhë;
Milionerët e politikës këndej lavdërohen për ajrin e pastër, por andej ndërtojnë vila në vendet turistike apo periferi;
Milionerët e politikës lavdërojnë fëmijët e vet, andej thërrasin të njofshmit që t’i pranojnë në universitet;
Milionerët e politikës këndej flasin për rritje të rrogave, kurse andej ankohen se njerëzit ikin prej këtu;
Milionerët e politikës nuk blejnë vetëm diploma, por e blejnë gjithë universitetin;
Milionerët e politikës do vazhdojnë të milionerizohen, kurse populli do të vazhdojë të varfërohet, derisa ne vazhdojmë të hamë “fore”, ata do të vazhdojnë ta hanë buxhetin dhe taksat tona.
???
Hasim Memishi-SOPI-Aktor
(Struga Ekspres)
