Zoran Zaev:“Kërkojmë themelim të një qeveri kalimtare e cila do të organizojë zgjedhje të parakohshme. Në këtë qeveri nuk do të mund të marrin pjesë persona për të cilat ekzistojnë dyshime se janë të involvuar në krim. Paralelisht të fillojnë hetime për aferën e përgjimeve ku do të involvohet edhe bashkësia ndërkombëtare”, tha Zaev, raporton “lajmpress.com”.
Paraprakisht ai tha se tani një vit rresht Gruevski dhe Mijallkov i kanë dërguar një biznesmen që ta korruptojë, me qëllim që ta arrestojnë si Lube Boshkovskin. Zaev ka përmendur edhe emrin e biznesmenit që ka bashkëpunuar me policinë për arrestimin e tij. “Rastin dje e kemi paraqitur në polici. Do ta publikoj edhe emrin e biznesmenit. Ai është Ivo Saçovaliev nga Strumica, nga kompania “Ivo”, tha Zaev, duke akuzuar pushtetin se ka dashur t’i montojë rast për ta arrestuar.
