Mbreti Charles III i Britanisë po kthehet sot në Londër nga Pallati Balmoral në Skoci, ku vdiq të enjten nëna e tij, Mbretëresha Elizabeth II, shkruan Struga Ekspres.
Charles, i cili është 73 vjeç është monarku më i vjetër që ka hipur në fron, do të mbajë një fjalim televiziv drejtuar kombit për vdekjen e Mbretëreshës, e para e tij.
Mbreti do të mbajë takimin e tij të parë me kryeministren Liz Truss në Pallatin Buckingham.
Elizabeth emëroi Truss në postin e saj të ri si kryeministre të martën, vetëm dy ditë para se të vdiste.
Pak njerëz e dinë se mbreti i ri britanik Charles vizitoi Maqedoninë 24 vjet më parë. Përkatësisht, në nëntor të vitit 1998, Charles ishte në Ohër. Ai mori pjesë në hapjen e një zyre të financuar nga fondet britanike. Nga kjo vizitë nuk gjenden shumë informacione, por ka fotografi.
Fotoja e princit të atëhershëm me kitaristin Vlatko Stefanovski gjithashtu daton para 24 viteve. Në takim, Vlatko i dha Charles CD-në nga albumi i ri i atëhershëm “Gypsy Magic”.
Përveç kësaj, në Google mund të gjeni fotografi dhe se si ka pasur një vizitë me presidentin e parë të Maqedonisë, Kiro Gligorov, por edhe se ai ishte në një vizitë pune në Ohër.
(Struga Ekspres)
