Qarkullimi në rrugët shtetërore në vend zhvillohet në korsi të lagura. Në aksin rrugor Makzazi-Markova, për shkak të rrëshqitjes së dheut qarkullimi zhvillohet në njërën korsi me gjatësi prej 150 metrave.
Lidhja Automoto e Maqedonisë rekomandon drejtim të kujdesshëm të automjeteve, përshtatje të shpejtësisë së lëvizjes dhe respektim të sinjalizimeve rrugore. Nga LAMM thonë se në disa akse rrugore është e mundur rrëshqitja e dheut sidomos në rrugët: Gostivar-Strazhë, Mavrovë-Dibër-Strugë, Demir Kapi-Udovë, Krushevë-Demir Hisar dhe Resnjë-Bukovë.
Intensiteti i qarkullimeve jashtë mjediseve urbane është mesatar, ndërsa në kalimet kufitare nuk ka pritje të gjata për hyrje dhe dalje nga shteti.
