Ambasada e Zvicrës në Maqedoninë e Veriut ka njoftuar se do të jepen bursa për studentët e huaj që duan të vazhdojnë studimet e doktoraturës në Zvicër.
Përmes Komisionit Federal për Bursa për Studentë të Huaj (FCS), Konfederata Zvicerane jep bursa të ndryshme pasuniversitare për studiues të huaj.
Bursat janë të destinuara për studimet në doktoraturë si dhe pas doktorature në universitetet zvicerane, institutet federale të teknologjisë dhe universitetet e shkencave të aplikuara.
Në këto bursa nuk hyjnë studimet Bachelor ose Master.
Kriteret për aplikim, informacioni mbi procedurën e aplikimit, adresat e kontaktit dhe informacione të mëtejshme mund të gjenden në secilin vend në faqen e internetit të Komisionit Federal për Bursa për Studentë të Huaj (FCS), si dhe në këtë link.
Afati i paraqitjes në Ambasadën e Zvicrës në Shkup është 15 nëntor 2019.
