Kreu i Lëvizjes Vetëvendosje, ish kryeministri Albin Kurti sapo njoftoi se së shpejti do të fillojë iniciativa për krijimin e Lëvizjes Vetëvendosje në Maqedoninë e Veriut, përcjell in7.
Këtë deklaratë, Kurti e bëri gjatë tubimit të Lëvizjes Vetëvendosje në Sheshin Skënderbeu në Prishtinë, ku festohej 21 vjetori i çlirimit të Kosovës dhe 15 vjetori i themelimit të VV’së.
“Sot në 15 vjetorin e Lëvizjes Vetëvendosje përveç qendrës në Republikën e Shqipërisë fillojmë me iniciativën për formimin edhe të Vetëvendosjes në Maqedoninë e Veriut. Pra do të ketë Vetëvendosje në Kosovë, në Shqipëri, në diasporë, por do të ketë Vetëvendosje edhe ne Maqedoninë e Veriut. Ashtu që në përvjetorin e ardhshëm të mos flasë vetëm Bojken Abazi, por të flasë edhe dikush tjetër nga Shkupi, Tetova, Gostivari”, tha ms tjerash, Albin Kurit, përcjell in7.
Kjo ide e re e Kurtit, nuk është se nuk është përfolur më herët./in7.tv/
