Nga krahu i Lëvizjes BESA që udhëhiqet nga Nexhbedin Kahremani theksojnë se Bilall Kasami së fundi po tenton që të shpëtojë veten dhe të veprojë gjoja si përfaqësues i Lëvizjes BESA me njerëzit e RDK-së së Fadil Zendelit.
Në reagimet që kanë shpërthyer në rrjetet sociale duke komentuar takimet e fundit në Gostivar dhe Kumanovë thuhet se në foto shihen se si janë gjithë njerëzit e RDK-së, andaj siç shkruan nga frontmen lokal të BESËS: Kasami duhet ta ketë të qartë se nuk përfaqëson Lëvizjen BESA por krahun e Fadil Zendelit që janë RDK.
“Ai do të ketë fundin e Vesel Memedit dhe se nuk do ti zgjase shumë dhe do të marrë përgjigjen”, shkruan një komentues tjetër.
Po ashtu edhe nga dega e Lëvizjes BESA në Kumanovë që thonë se janë shumica dhe janë themeluesit e saj nënvizojnë se Kasami ka ardhur në Kumanovë, duke u fotografuar me njerëzit e RDK-së. “Opinioni i di qartë se kush janë në Lëvizjen BESA në Kumanovë”./INA