Pak pas përçarjeve që ndodhën brenda Lëvizjes Besa, Bilall Kasami u takua me kryeministrin Zoran Zaev dhe nga deklaratat pas takimit mund të parashikohej që Besa, së paku ajo pjesë që e përkrah Kasamin, jo vetëm që do t’i përkrahë ligjet e shumicës qeveritare, por se ekziston mundësi dhe të bëhet pjesë e kabinetit qeveritar, shkruan prizma.mk.
“Sipas fjalëve të Zaevit, rikonstruimi i parë qeveritar pritet në pranverë dhe ai na ofroi të mendojmë nëse atëherë do të kyçemi në Qeveri”, ka deklaruar Kasami.
Ai thekson se partia e tij posedon kuadro me të cilat mund të kontribuojë në Qeveri. Kasami rikujton se nga pesë deputetët e partisë, tre veçmë kanë nënshkruar se mbeten te BESA, shkruan BIRN edhe pse për momentin Kasami ka përkrahje nga vetëm dy deputetë të kësaj partie.