Kapen 130 kilogram marihuanë në pikën kufitare

Policia e Maqedonisë ka kapur 130 kilogramë marihuanë në kalimin kufitar Bogorodica. Lëndët narkotike barteshin në një kamion me targa të Shqipërisë, që drejtohej nga një 37-vjeçar, shtetas i Shqipërisë.
Droga është gjetur në një hapësirë të veçantë në pjesët e kamionit, ndërsa ka qenë e paketuar në 32 qese plastike. I dyshuari është paraburgosur dhe i është caktuar masa e 30 ditë paraburgim.