Maqedonasi i dehur „çykë“ dhe pa patentë shoferi i ndihmon bashkatdhetarët, por pëson keq
Një shtetas 30-vjeçar maqedonas ka dashur të ndihmojë në një avari të një automjeti tjetër. Por, ai ka qenë i dehur tapë dhe pa patentë shoferi.
Të hënën, rreth orës 23.15, një shtetas maqedonas ka dashur tu vijë në ndihmë disa bashkatdhetarëve gjatë një avarie të automjetit të tyre në një rrugë regjionale gjermane. Ata paraprakisht kishin mbetur në rrugën kryesore të Heroldsbergut me veturën e tyre, thuhet në një komunikatë të polcisë gjermane, përcjellë „Shtegu.com“.
Për shkak të avarisë së veturës ishte njoftuar edhe policia gjermane. Policët menjëherë kanë hetuar erë kundërmuese të alkoolit tek shtetasi maqedonas që ishte ndalur për të ndihmuar. Një test alkooli ka dëshmuar se ai në gjak ka pasur një vlerë prej më tepër se 0,7 promila alkool. Gjatë kontrollit të mëtutjeshëm, është kosntatuar se personi në fjalë nuk ka pasur patentë shoferi përkatës, duke u legjitimuar vetëm me një patentë shoferi maqedonas.
