Ja sa paguhet Cristiano Ronaldo dhe Lionel Messi në “Instagram”

Instagram” ka rezultuar të jetë një nga rrjetet sociale që ju sjell goxha fitime disa prej perzonazheve më të famshëm në botë. Pa diskutim që një nga figurat më të paguara në këtë rrjet social është ylli portugez, Cristiano Ronaldo, i cili deri më tani është personi me më shumë ndjekës në “Instagram”. Momentalisht CR7 ndiqet nga 194 milion persona, duke e bërë atë “mbretin” e këtij rrjeti social. Automatikisht ylli i futbollit portugez është një nga personat që merr më shumë përfitime monetare nga “Instagram” për çdo postim të bërë në këtë rrjet. Cristiano Ronaldo përfiton rreth 38.2 milionë Paund. Kështu CR7 është shkëputur ndjeshëm nga rivali i tij i përjetshëm, Lionel Messi që për 2019 siguroi 18.7 milionë Paund, një rezultat ky që shfaqet në klasifikimin e bërë nga Buzz Bingo.