Ish-luftëtari i Ushtrisë Çlirimtare të Kosovës dhe Ushtrisë Çlirimtare Kombëtare, Izmit Nura nga Agjencia për Rini dhe Sport ka kaluar në Agjencinë për Emigracion.
Në këtë detyrë ai menjëherë përmes një letre ka kërkuar që të gjithë të punësuarit ti largojnë nga zyrat e tyre të gjitha artefaktet fetare dhe kombëtare.
Lidhur me këtë vendim kanë reaguar mediat maqedonase, duke e llogaritur këtë email qarkor si një diçka të çuditshme dhe shokante.
“Të punësuarit në Agjencinë e Migracioni janë shokuar nga ky urdhër për ti larguar kryqet dhe simbolet fetare e kombëtare”, shkruan infomax.
Izmit Nura njihet edhe për zbatimin e plotë të gjuhës shqipe në Agjencinë për Rini dhe Sport.
Ai vjen nga Veleshta e Strugës, ndërsa për veprimtarinë e tij kombëtare është nderuar edhe nga presidenti i Kosovës, Hashim Thaçi. (INA)
