Hristijan Mickoski tregon se me cilën parti shqiptare do të koalicionojë për Qeverinë e ardhshme

Kryetari i VMRO-DPMNE, Hristijan Mickoski në emisionin 360 shkallë në Alsat ka komentuar edhe çështjen se kush do të formojë Qeverinë e ardhshme dhe se a do të respektohet parimi i njohur fituesi me fituesin, gjegjësisht partia fituese tek maqedonase dhe ajo tek shqiptarët, përcjellë INA. Ai për herë të parë ka theksuar se parimi i tyre do të jetë programi me programin, dhe jo praktika e deritanishme.”Mendoj se më tepër duhet të fokusohemi tek parimi programi me programin dhe kjo duhet të jetë praktika në të kaluarën në skenën politike. “, theksoi Mickoski. Ai nënvizoi nevojën për një program të përbashkët që do të realizonte pritjet e qytetarëve. Mickoski shtoi se pavarësisht se si do të quhet partia shqiptare ASH, BDI, BESA apo PDSH, në të ardhmen do të vendosin programet e partnerëve të koalicionit. Ai tha se është i bindur se partia e tyre në zgjedhjet e ardhshme do të fitojë së paku 61 deputetë.