Asnjë fanellë e Leverkusenit nuk është shitur më shumë se ajo e Granit Xhakës. Mesfushori shqiptarë e ka filluar në mënyrën më të mirë jetën e re në Gjermani. Një vështrim në shifrat e shitjeve të fanellave të Leverkuzenit, tani tregon se kapiteni i Zvicrës po bëhet lojtari i preferuari i tifozëve. Një listë e “ZDF Sportstudio” ka renditur se cila fanellë e secilit ekip të Bundesligës është shitur më shumë deri tani. Te Leverkuseni, fanella e Granit Xhakës me numrin 34 është më e shitura.
Kjo do të thotë se fanella e Xhakës është më popullore se ajo e sulmuesit Viktor Bonifas, mega nënshkrimi tjetër i Bajer Leverkuzenit, i cili tashmë ka shënuar shtatë gola në shtatë ndeshjet e para.
Ndërsa, te skuadrat e tjera, fanella e Hari Kejnit është më e shitura te Bajerni, Çavi Simons është shumë i popullarizuar në RB Lajpcig, kurse bluza e Leonardo Bonuçit tek Union Berlin është më e kërkuara. Vetëm te Borussia Dortmund në krye është një fytyrë e njohur, Marko Rojs.
