Filipçe: 15 persona të infektuar me koronavirus janë në gjendje të rëndë

Sot rritet numri i të infektuarêve me koronavirus në Maqedoninë e Veriut.
Ministri Filipçe tha se për momentin në Klinikën Infektive në Shkup janë të shtruar 74 pacientë, 15 janë në gjendje të rëndë shëndetësore, ndërsa të tjerët janë në gjendje stabile, kryesisht me simptoma të mesme dhe të lehta. Ai tha po ashtu se javën që vjen do të futet në funksionim edhe spitali mobil që është instaluar pranë klinikës, ku për momentin mungon vetëm lidhja e aparaturave me Klinikën. Pacientët që kanë situatë të lehtë do të kurohen në shtëpi. Në funksion ka hyrë edhe Spitali 8 Shtatori që disponon 400 shtretër, ndërsa spitali mobil përmban 110 shtretër.