Sipas burimeve brenda Ministrisë së Brendshme të Republikës së Shqipërisë shtatë oficerë policie nga Forcat e Ndërhyrjes së Shpejtë RENEA’s janë shkarkuar nga puna sepse i përkasin besimit mysliman.
Shtatë punonjësit e policisë ishin besimtarë myslimanë dhe praktikues të fesë. Ata faleshin pesë herë në ditë në xhami dhe kjo nuk është toleruar nga shefat e policisë të cilët kanë marrë masën ekstreme të largimit nga detyra, transmeton opozita.com.
Ndërkohë që debati fetar është ndezur në Shqipëri për shkak të refuzimit të ambasadorit mysliman Visar Zhiti në Vatikan si dhe kërkesave të kishës ortodokse për kuotim të emërimeve në administratë vjen kjo fushatë reprezaljesh kundër besimtarëve myslimanë kur dihet fare qartë që kryeministri dhe zv/kryeministri shqiptar të dy i përkasin besimit të krishterë .
