Një patrullë e policisë maqedonase është sulmuar në mal, me ç’rast njëri është goditur me mjet të fortë, njofton MPB. Sulmi ka ndodhur më 7 nëntor të këtij viti, rreth orës 17, njofton MPB.
“Më 7 nëntor të këtij viti, rreth orës 17 në afërsi të fshatit Topollnicë, gjatë konfiskimit të traktorit me karrocë të ngarkuar me drunj bungu, drejtuar nga J.B. nga fshati Topollnicë pa dokumente përkatëse, i pandehuri i parë me mjet të fortë ka goditur një polic, kurse i pandehuri i dytë ka kërcënuar policët, duke i penguar të kryejnë detyrën zyrtare”, ka njoftuar policia në buletinin zyrtar, shkruan Gazeta Lajm.
Për këtë arsye, policia e Radovishit ka ngritur padi penale ndaj personave A.A. dhe E.I nga fshati Topollnicë, të cilët akuzohen për “sulm ndaj personit zyrtar gjatë kryerjes së detyrës nga sfera e sigurisë” dhe për “pengim të personit zyrtar në kryerjen e detyrës zyrtare”.
