Në mesnatë përfundoi fushata zgjedhore e rrethit të dytë për zgjedhjet lokale që do të mbahet nesër dhe filloi heshtja zgjedhore. Sot, një ditë para zgjedhjeve, të drejtën e tyre për votë do të mund ta realizojnë personat në institucionet e dënim-korrigjimit, personat e zhvendosur, personat e sëmurë të cilët e kanë kërkuar këtë nga komisionet komunale zgjedhore. Do të votojnë 939 persona në 13 institucione të dënim-korrigjimit, 1.435 persona të sëmurë, persona në paraburgim shtëpiak si dhe tetë votues të evidentuar si të zhvendosur të brendshëm. Personat e zhvendosur votojnë në shtëpitë kolektive dhe qendrat për strehim ku janë të vendosur, të sëmurët në shtëpitë e tyre, ndërsa votuesit të cilët ndodhen në paraburgim shtëpiak e kryejnë të drejtën e votës në vendin ku e kalojnë paraburgimin.
Votimi filloi në ora 7 dhe zgjat deri në ora 19. Rrethi i dytë i zgjedhjeve lokale do të mbahte në 35 komuna, në 1.517 vendvotime ku të drejtë vote kanë 833.710 qytetarë. Në komunat e Shkupit, të drejtë vote kanë 260.194 qytetarë, që do të votojnë në 387 vendvotime. Në 29 komunat tjera në Maqedoni, të drejtë vote për rrethin e dytë kanë 573.916 qytetarë në 1.130 vendvotime. Në rrethin e dytë garojnë 70 kandidatë për kryetarë komunash.
