Një tregtar i makinave të dorës së dytë në SHBA kishte kthyer mesatarisht për rreth 200,000 km për çdo veturë të shitur.
Praktika e shitësve të makinave që shesin me kilometrazhin e kthimit nuk ndodh vetëm në Kosovë, por është e pranishme në shumë vende të botës, transmeton KP.
Kështu, këtë vit në Spanjë, u organizua një gjyq për një grup të organizuar që manipuloi kilometrazhin e 305 veturave me më shumë se 150 shitës të makinave në atë vend.
Rasti më i fundit u regjistrua në Alabama, SHBA. Qeveria federale e SHBA ka akuzuar Randy Green, pronar i një firme të shitjes së makinave në Hantsville, për kthim të kilometrazhit në të paktën 12 automjete të shitura në mes të tetorit 2014 dhe nëntorit 2016.
Ministria e Drejtësisë tha se Green mesatarisht ktheu rreth 200.000 km në automjetet e shitura. Rasti më drastik është një makinë që i është shitur një blerësi të mashtruar me rreth 350,000 km më pak sesa kishte kaluar aktualisht.
Për çdo makinë në të cilën ai ktheu kilometrazhin ai rrezikon dënim deri në 3 vjet burg dhe deri 250,000 dollarë gjobë, dhe sipas ligjit në fuqi, gjithsej mund të dënohet deri në 30 vjet burg.
