Në rast se nesër do të mbahen zgjedhjet e parakohshme parlamentare, atëherë shumicën do ta ketë VMRO-DPMNE, pasi që mbi 25% e votuesve janë deklaruar në favor të kësaj partie, derisa për LSDM vetëm 23%.
Këtë e nënvizon anketa e Institutit M-Prospekt në Shkup. Por situata do të jetë interesante tek kampi politik shqiptar. Sipas kësaj ankete, BDI ka 5,1%, por menjëherë pas saj radhitet Aleanca për Shqiptarët me 4,2%. Ndërsa e treta me radhë është Lëvizja BESA me 2,1%. Anketa u zhvillua nga 15 maji deri më 7 qershor 2019. Kjo anketë edhe sot po vazhdon të jetë në fokusin e portaleve maqedonase, të cilët thonë se opozita ka shënuar një ngritje të lartë brenda një periudhe të shkurtër. (INA)
