Altina Destani Kojoveci debuton me koncert në Gjermani
Altina Destani Kojoveci, një zë i ri dhe premtues nga Struga,po shënon një hap të rëndësishëm në karrierën e saj muzikore. Pas përfundimit me sukses të studimeve në Fakultetin e Arteve – drejtimi Solokëndim (Canto) në Universitetin e Tetovës, Altina po ngjitet për herë të parë në një skenë ndërkombëtare në Waldshut, Gjermani.
Ky koncert shënon debutimin e saj me një repertor të përzgjedhur këngësh në gjuhë të huaja, duke dëshmuar jo vetëm aftësitë e saj vokale të larmishme, por edhe guximin për të sjellë emocione përtej kufijve gjuhësorë e kulturorë.
Performanca e Altinës pritet me interes nga komuniteti shqiptar si dhe nga publiku vendas që do të ketë rastin të zbulojë një talent të pastër dhe të përkushtuar ndaj artit muzikor. Ajo vjen në skenë me një kombinim të përvojës akademike, ndjeshmërisë artistike dhe dashurisë së thellë për muzikën.
Koncerti në Waldshut është vetëm fillimi i një rruge që, pa dyshim, do të sjellë shumë suksese dhe emocione për këtë artiste të re me zë të fuqishëm dhe shpirt të bukur.
