Një aksident i rëndë trafiku ka ndodhur në rrugën Manastir-Makovë ku ka humbur jetën 41-vjeçari, banor i fshatit Aglarc i Poshtëm, ndërsa dy fëmijët e tij të mitur janë lënduar rëndë, njofton SPB Manastir. Në aksident janë përfshirë edhe disa automjete të tjera nga Manastiri, Resnja dhe një kamion me targa shqiptare. Jozyrtarisht, shkak i trafikut të rënduar është bërë mjegulla e dendur,shkruan Struga Ekspres.
Dje rreth orës 19:00 është raportuar se në rrugën rajonale Manastir-Makovë ka ndodhur një aksident trafiku. Aksidenti ka ndodhur në mes të një automjeti pasagjerësh “Seat” me targa të Manastirit, i drejtuar nga S.N. (41) nga fshati Aglarc i Poshtëm, komuna e Novacit, automjeti i pasagjerëve “BMW” me targa të Resnjës, i drejtuar nga J.V. (29) nga Resnja, automjeti i pasagjerëve Renault me marka të Manastirit, i drejtuar nga J.O. (48) nga Manastiri dhe një automjet mallrash “duff” me gjysmërimorkio me targa shqiptare, i drejtuar nga V.K. (38) nga Republika e Shqipërisë, thonë nga SPB Manastir, raporton Struga Ekspres.
Ata shtojnë se në aksident nga lëndimet e marra ka ndërruar jetë në vend shoferi S.N. (41),ku një mjek nga Shërbimi i Urgjencës Mjekësore ka konstatuar vdekjen.
(Struga Ekspres)
