Në një intervistë për portalin “Plusinfo”, Afrim Gashi, kryetari i partisë Alternativa, thotë se kandidati për kryetar shteti, Stevo Pendarovski është një kandidat që “na përfaqëson të gjithëve”.
Ai deklaron se nuk do ta mbështetin Blerim Rekën sepse te kandidatura e Pendarovskit shohin përfaqësuesin e të gjithëve, dhe se vlerësojnë se është koha e fundit që pozitat më përgjegjëse të shtetit të shihen nga aspekti cilësor, e jo vetëm nga ai etnik.Në këtë intervistë, Gashi flet edhe për ribredimin e partisë që ai udhëheq, që doli si rezultat i përçarjes së Lëvizjes Besa.
Në lidhje me partinë, ai shprehet se subjekti i ri politik e përfaqëson thelbin dhe autenticitetin e përcaktimit programor të partisë paraprake, e që tani është pastruar dhe e ka derën e hapur për të gjitha bashkësitë.
Në lidhje me të ardhmen e shtetit, Afrim Gashi shprehet se kjo e ardhme bazohet në ndërtimin e elementeve kohezive në shoqëri, e jo në ndasi, disriminim, urrejtje dhe forma tjera të elementeve negative dhe shkatërruese.
