Bashkëshortët te të cilët është konstatuar korovairus janë nga komuna e Qendrës Zhupë, komuna fqinje e Dibrës, të cilët kanë qenë për vizitë te familjarët në Itali, konfirmuan nga Spitali i komunës në Dibër
“Në spitalin tonë u paraqitën të enjten, për shkak simptomave menjëherë janë izoluar, ndërsa të premten u është marrë strisho, pas të cilave analizat treguan prezencën e koronavirusit. Mbrëmë me automjet të posaçëm janë transportuar në Shkup, Në të gjitha hapësirat ku ata kanë qarkulluar është bërë dezinfektim. Tani për tani nuk ka raste të reja”, thotë drejtori i spitalit Baki Halili.
Shton se në institucion respektohet rreptësisht të gjitha rekomandimet e Ministrisë së Shëndetësisë.
Paraprakisht ka pasur edhe një rast të dyshimte, një infermiere, e cila është kthyer nga vizita në Itali, por analizat janë negative.
